Россия Ливияда ҳарбий-денгиз базаси қуриш ниятида

 

Америка нашрининг ёзишича, Россия ва Ливия ҳарбий ҳамкорлик бўйича келишув устида иш бошлаган. Ҳаракат генерал Халифа Хафтарнинг 28 сентябрь куни Москвада Россия президенти Владимир путин билан учрашганидан кейин бошлангани айтилмоқда.

 

Хафтар Россия Федерациясига бир қанча ҳаво базалари ва Россия ҳарбий кемаларига Тобрук портида доимий жойлашиш ҳуқуқини беришга тайёрлиги маълум қилинган.

 

Таъкидланишича, Хафтар Африкадаги нефт захираларининг тахминан 40 фоизига эга бўлган мамлакатдаги кўплаб йирик нефт объектларини назорат қилади. Унга ҳаво ҳужумидан мудофаа тизимлари, қирувчи учувчиларни тайёрлаш ва ҳукумат кучларига қарши туриш учун махсус кучлар керак. Бунинг эвазига ҳозирда "Вагнер" ПМC ҳарбийлаштирилган тузилмалари жойлашган бир нечта ҳаво базалари Россия қўшинларини жойлаштириш учун берилиши ваъда қилинган.

 

"Бу ҳолда, Россия кемалари Греция ва Италиядан доимий равишда бир неча юз километр узоқликда бўлади ва бу Россияга бутун Европа Иттифоқига жосуслик қилиш имконини беради", — деди АҚШнинг Ливия бўйича собиқ махсус вакили Жонатан Вайнер нашрга.

 

Унинг сўзларига кўра, Қўшма Штатлар таҳдидни жуда жиддий қабул қилади ва шу пайтгача Россия Федерациясини Ўртаер денгизи минтақасидан узоқлаштиришга ҳаракат қилган.