Исроил ва ҲАМАС келишувга эришиш арафасида
Гап гаровга олинганларни алмаштириш ҳақида кетмоқда.
Исроил Ғазо секторида гаровга олинган 100 нафар аёл ва болани озод қилиш бўйича ҲАМАС билан музокаралар олиб бормоқда.
ҲАМАС бу қадамни қўйишга тайёрлигини эълон қилди. Аммо катта эҳтимол билан озод қилинадиганлар сони камроқ бўлади. Маҳбусларни озод қилиш бўйича музокаралар Қатар ва Миср воситачилигида олиб борилмоқда.
Исроил ҲАМАСга 100 кишидан иборат рўйхатни берди. Бунга жавобан гуруҳ вакиллари улардан 50 нафарининг қаерда эканлиги ҳақида билишлари кераклигини айтиб, турли гуруҳлар томонидан ушлаб турилган қолган 50 нафарини топиш учун эса ўт очишни тўхтатиш зарурлигини маълум қилишган.
Агар томонлар якуний тафсилотлар бўйича келишиб олсалар, келишув яқин кунларда эълон қилиниши мумкин. Дастлабки келишувларга кўра, асирликдаги исроиллик аёллар ва болалар, қамоқхоналардаги фаластинлик аёллар ва ўсмирлар бир вақтнинг ўзида гуруҳларга бўлинган ҳолда озод қилинади.
