БМТ: Ғазо аҳолиси очарчиликка юз тутмоқда, битта Рафах пункти етарли эмас
Анклав ҳудудида озиқ-овқат ва сув деярли йўқ — уларни етказиб бериш қийин.
Бирлашган Миллатлар ташкилотининг Бутунжаҳон озиқ-овқат дастури (WFP) Ғазо секторидаги тинч аҳоли очлик хавфи остида эканини айтди. Чунки анклав ҳудудида озиқ-овқат ва сув деярли йўқ ҳамда уларни етказиб бериш қийин.
"Тез яқинлашиб келаётган қиш, хавфли ва гавжум бошпаналар, тоза сув етишмаслиги шароитида тинч аҳоли очликка дуч келиши эҳтимоли ошиб бормоқда", — дея маълум қилди ташкилот раҳбари Синди Маккейн ўз баёнотида.
WFP сўнгги ҳафталарда Ғазода очликнинг кучайиши эҳтимолидан огоҳлантирмоқда ва ҳозир у ерда нон "кам ёки умуман йўқ" ва эҳтиёжларни "битта амалдаги чегара ўтиш йўли билан қондириш мумкин эмас".
Ягона умид — Ғазога озиқ-овқат етказиб бериш учун иккинчи хавфсиз ўтиш жойини очиш, деб ҳисоблайди БМТ.
Ташкилот маълумотларига кўра, ёнилғи танқислиги озиқ-овқат етказиб беришга ҳам тўсқинлик қилмоқда: сешанба куни Мисрдан келган юк машиналари айнан шу сабабли тинч аҳолига етиб бора олмаган.
