Трамп Байден ва Цзиньпин учрашувига фикр билдирди
У Хитой раҳбарини кучли гранит, Байденни эса аҳмоқ деб атади.
Доналд Трамп Аёвадаги тарафдорларининг тадбирида Оқ уйнинг амалдаги раҳбари Жо Байден ва Си Цзиньпин ўртасидаги учрашувни шарҳлади.
Трамп Байден Хитой раиси билан учрашув чоғида адашганини ва атрофида нималар бўлаётганини тушунмаганини айтди.
Шунингдек, АҚШнинг собиқ президенти Хитой давлат арбобини куч жиҳатидан гранитга қиёслади ва ўзининг ворисини аҳмоқ деб атади.
“Бу ҳафта Сан-Францискода Хитой билан бўлиб ўтган саммитда Жо Байден нима бўлаётганини, нима қилиш кераклигини умуман тушунмаганга ўхшарди”, — деди Доналд Трамп.
Аввалроқ Байден Хитой Халқ Республикаси раҳбари билан Сан-Францискода бўлиб ўтган музокаралардан сўнг Си Цзиньпинни диктатор деб ҳисоблашда давом этишини, бироқ қўнғироқ қилса, телефонга жавоб беришини айтганди.
