Яқин Шарқда уруш бошланганидан бери 48 журналист ҳалок бўлди
Бу ҳақда Журналистларни ҳимоя қилиш қўмитаси маълум қилди.
Журналистларни ҳимоя қилиш қўмитаси (CPJ) Исроил ва ҲАМАС ўртасидаги уруш бошланганидан бери 48 нафар оммавий ахборот воситалари ходими ўз хизмат вазифаларини бажариш чоғида ҳалок бўлганини маълум қилди.
Нодавлат нотижорат ташкилотга кўра, журналистлар учун энг ҳалокатли кун урушнинг биринчи куни – 7 октябрь куни ҲАМАС жангарилари Исроилга ҳужум қилган кун бўлган ва ўшанда 6 журналист ҳалок бўлган. Ўтган шанба, 18 ноябрь куни эса 5 киши ҳалок бўлган.
“Ғазодаги журналистлар Исроилнинг қуруқликдаги ҳужуми чоғида можарони ёритишга уринаётганда, хусусан, Исроилнинг ҳалокатли ҳаво ҳужумлари, алоқа узилиши, таъминот тақчиллиги ва кенг тарқалган электр таъминотидаги узилишлар каби хавф-хатарларга дуч келишмоқда”, — деб баёнот берди ташкилот.
SPJ маълумотларига кўра, ҳалок бўлган 48 журналист ва ОАВ ходимлари орасида 43 нафари фаластинлик, 4 нафари исроиллик ва 1 нафари ливанликдир. 9 нафар журналист жароҳатланган, 3 нафари бедарак йўқолган, 13 нафари ҳибсга олинган.
“SPJ журналистлар инқироз пайтида муҳим ишларни бажарадиган тинч аҳоли экани ва урушаётган томонлар томонидан нишонга олинмаслиги кераклигини таъкидлайди. Бутун минтақадаги журналистлар ушбу юракни ранжитувчи можаро ҳақида хабар бериб, катта қурбонлик қилмоқдалар”, — дея қўшимча қилди ташкилот.
