Ҳиндистонда туннелда қолиб кетганларни қутқариш йўлининг ярми бурғуланди
Қулаган туннель ичида 41 киши қолиб кетган.
Қутқарувчилар Ҳиндистонда қулаган туннель ичидаги 41 ишчига етиб бориш учун вайроналарнинг деярли ярмини бурғулашди.
“Қутқарувчилар 32 метрни тозалашди, бироқ уларни қутқариш учун 60 метрни бурғулаш керак”, – деди қутқарув операциясига раҳбарлик қилаётган Дипак Патил.
21 ноябрь куни туннель ичида олинган сурат ва видео алоқа ўрнатилган эди. Тасвирларда оқ ва сариқ каска кийган ишчилар тор жойда туриб, тиббий эндоскопия камераси ёрдамида қутқарувчилар билан ишлаётганини кўриш мумкин.
Ҳимолой ҳудудида бурғулаш қийинлиги туфайли одамларни қутқариш ҳам кечикмоқда.
