Ғазо секторида тўрт кунлик сулҳ паузаси бошланди
Ғазо секторида Исроил ва ҲАМАС ўртасида тўрт кунлик сулҳ кучга кирди.
Ғазо секторида Исроил ва ҲАМАС ўртасида тўрт кунлик сулҳ кучга кирди. Кун давомида жангарилар биринчи исроиллик гаровга олинганларни, тахминан, маҳаллий вақт билан соат 16:00 да озод қилишлари керак.
Қатар расмийлари, шунингдек, Миср ва АҚШ асосий воситачи ҳисобланган келишув доирасида қуйидагилар амалга оширилиши керак:
— ҲАМАС жангарилари бугун 13 нафар исроиллик гаровга олинганларни озод қилади. Ҳаммаси бўлиб камида 50 киши озод қилиниши режалаштирилган;
— 39 нафар фаластинлик маҳбуслар, аёллар ва вояга этмаганлар (жами 150 нафар) Исроил қамоқхоналаридан озод қилинади;
— Ғазо секторига Миср билан чегарадаги Рафаҳ назорат пункти орқали кўпроқ инсонпарварлик ёрдамлари киритила бошлайди. Ҳар куни инсонпарварлик ёрдами билан бирга 130 минг литр дизел ёнилғиси ва 200 та юк машинаси жўнатиш режалаштирилган.
BBC'нинг хабар беришича, Исроилнинг Ғазо сектори устидаги барча ҳаво ҳаракати (жумладан, дронларни кузатиш) гаровга олинганлар озод этилишидан олти соат олдин тўхтатилади.
Исроиллик гаровга олинганлар аввал Мисрга, фаластинлик маҳбуслар эса Фаластин маъмурияти назорати остидаги Ғарбий Соҳилга етказилади.
ОАВ хабарларига кўра, Исроил ҳукумати фаластинликларни ўз фуқароларини кўрмагунча озод қилмасликларини маълум қилган.
