Олтин нархи рекорд даражада ошиши мумкин
Ўзбекистон олтин сотиб олиш бўйича дунёда бешинчи ўринни эгаллади.
Қайд этилишича, қимматбаҳо металнинг бир троя унцияси $2500гача кўтарилиши мумкин.
Жорий ҳафтада жаҳон бозорида қимматбаҳо металнинг унцияси $2000дан ошди, аммо кейинчалик олтин нархи бироз пасайди.
қин Шарқдаги уруш туфайли инвесторлар ишончли актив сифатида олтинни тобора кўпроқ сотиб олишмоқда. Вазиятга АҚШ доллари курсининг тушиши ҳам таъсир кўрсатмоқда.
Аввалроқ олтин нархи беш ой ичида биринчи марта бир унция учун $2000гача кўтарилгани ҳақида хабар берилганди.
Қайд этилишича, олтин нархининг ошишига Яқин Шарқдаги сиёсий вазиятнинг кескинлашуви сабаб бўлган.
Аввалроқ «Спот» олти ойлик камайишдан кейин Ўзбекистоннинг олтин-валюта захиралари ошгани ҳақида ёзганди.
Октябрь ойида мамлакат захиралари $1,86 млрдга ошиб, $32,9 млрдни ташкил этди.
Шунингдек, учинчи чоракда Ўзбекистон олтин сотиб олиш бўйича дунёда бешинчи ўринни эгаллади.
Марказий банк Хитой, Полша, Туркия ва Ҳиндистондан кейин 7 тонна қимматбаҳо метал сотиб олди.
