"Биз охиригача — ғалабага қадар давом этамиз" — Нетаньяху
Исроил бош вазири Ғазо секторини кўздан кечириш жараёнида урушдаги уч мақсадини очиқлади.
Исроил Бош вазири Бинямин Нетаньяху Ғазо секторини айланиб чиқди, у ерда аскарлар билан суҳбатлашди ва топилган туннеллардан бирини кўздан кечирди.
“Биз Ғазода қаҳрамон жангчиларимиз билан биргамиз. Биз ўғирлаб кетилганларимизни қайтариш учун барча саъй-ҳаракатларимизни қиляпмиз ва охир-оқибат уларнинг ҳаммасини қайтарамиз”, — деб ваъда берди Исроил бош вазири.
"Ушбу урушда бизнинг учта мақсадимиз бор: ҲАМАСни йўқ қилиш, ўғирлаб кетилганларнинг ҳаммасини қайтариш ва Ғазо сектори Исроил давлати учун яна хавф туғдирмаслигини таъминлаш".
"Мен бу ердаги дўстларимга, менга худди шу нарсани айтадиган жангчиларга айтиш учун келдим ва сиз, Исроил фуқаролари, буни такрорлайман: биз охиригача — ғалабага қадар давом этамиз. Бизни ҳеч нарса тўхтата олмайди ва биз урушнинг барча мақсадларига эришиш учун куч, ирода ва қатъиятга эга эканимизга аминмиз ва биз буни амалга оширамиз", — дея таъкидлади Нетаньяху.
