Финляндия Россия Федерацияси билан чегарани бутунлай ёпишга тайёр
Мамлакат бош вазирининг сўзларига кўра, Россия уларнинг чегара зонасидан мамлакатга қайтишига тўсқинлик қилмоқда.
Хелсинки қочқинлар оқими туфайли Россия Федерацияси билан чегарадаги сўнгги ишловчи назорат-ўтказиш пунктини ёпиши мумкин, дея маълум қилди Бош вазир Петтери Орпо Финляндиянинг Суоми радиосига берган интервьюсида.
"Агар керак бўлса, Финляндия шарқий чегарани, унинг барча нуқталарини ёпади ва бошпана сўровларини қабул қилишни шарқий чегарадан ташқари бошқа жойга кўчиради. Сиз Хелсинки-Вантаа аэропортида ёки портларида бошпана сўрашингиз мумкин, лекин шарқий чегарада эмас", — деган у.
Шу билан бирга, бош вазир "ҳатто бундай чоралар ҳам Россия Федерацияси орқали Финляндияга келаётган учинчи давлат фуқаролари тўлқинлари билан боғлиқ муаммони тўлиқ ҳал қилмаслиги мумкин"лигини айтган. Орпонинг сўзларига кўра, Россия уларнинг чегара зонасидан мамлакатга қайтишига тўсқинлик қилмоқда.
Финляндия Россия билан чегарадаги 9 та назорат-ўтказиш пунктидан 8 тасини ёпди.
