Қозоғистонда ўқувчиларнинг дарс вақтида смартфондан фойдаланиши тақиқланмоқда
Депутатга кўра, бола мактаб даврида ўқиши керак. Чунки телефон бу жараёнга халақит беради.
Мамлакат парламентининг умумий йиғилишида “Қозоғистон Республикасининг айрим қонун ҳужжатларига таълим ва мураббийлик масалалари бўйича ўзгартиш ва қўшимчалар киритиш тўғрисида”ги қонун қабул қилинди.
“Ўқитувчилар билан бўлиб ўтган учрашувларда юзага келган яна бир масала ўқувчиларнинг дарс давомида телефондан фойдаланиши билан боғлиқ. Телефонни тақиқлаш бўйича аниқ қонуний чеклов йўқ. Шу муносабат билан, лойиҳага дарс вақтида мобиль телефонлардан фойдаланишни чеклаш бўйича алоҳида қоида киритилди”, — деди депутат Асхат Аймағамбетов.
Мажилис вакилига кўра, бола мактаб даврида ўқиши керак. Чунки телефон бу жараёнга халақит беради.
“Бизнинг таклиф қилаётган меъёримиз фақат дарс вақтида чекланиши кўзда тутади. Ва ўқувчининг танаффус пайтида фойдаланишига ҳеч қандай чеклов йўқ. Дарс пайтида боланинг ижтимоий тармоқларга қараши тўғри эмас. Агар ўқитувчининг дарс ишланмасида айрим иловалардан фойдаланиш талаб этилса, у ҳолда инновацион технологиялар мақсадида дарс давомида смартфондан фойдаланишга рухсат берилади. Хусусан, умумтаълим мактабларида фойдаланишда ҳеч қандай чеклов йўқ”, — деди депутат.
