Қувaйтга янги амир тайинланди
Собиқ амир вафоти муносабати билан мамлакатда 40 кунлик мотам эълон қилинди.
Аввалроқ Қувайт давлат телевидениеси мамлакат амири шайх Наваф ал-Аҳмед ал-Жобир ас-Сабоҳ вафот этганини маълум қилганди. AЛ Қабас газетасининг ёзишича, ҳукумат валиаҳд шаҳзода Мишаал ал-Аҳмед ал-Жобир ас-Сабаҳни Қувайтнинг янги амири этиб тайинлаган.
Собиқ амир шайх Наваф ал-Аҳмед ал-Жобир ас-Сабоҳ 87 ёшида вафот этди. У ноябрь ойи охирида соғлиғидаги шошилинч муаммолар туфайли касалхонага ётқизилган.
Айни дамда мамлакатда 40 кунлик мотам эълон қилинди, давлат муассасалари уч кунга ёпилди.
Бундан ташқари, Мисрда ҳам уч кунлик мотам эълон қилинди. Миср президенти Абдулфаттоҳ ас-Сиси ўз баёнотида Қувайт марҳум амирини “буюк ва донишманд” деб атади.
