Россияда 18 та автомобиль иштирокида даҳшатли автоҳалокат юз берди
Бахтсиз ҳодисага коммунал тизимдаги узилиш сабаб бўлган.
Куни кеча Иркутск шаҳрининг Кайская тоғида 18 та автомобиль иштирокида катта йўл-транспорт ҳодисаси юз берди.
Вилоят губернаторининг хабар беришича, бахтсиз ҳодисага коммунал тизимдаги узилиш сабаб бўлган бўлиб, ноқулай об-хаво ҳамда сув оқиб чиқиши натижасида йўллар музлаган. Расмийлар ҳодиса оқибатида бир киши жароҳатланиб, шифохонага ётқизилганини маълум қилди.
Ҳозирда йўлни муздан тозалаш ишлари давом этаётгани туфайли Синюшина Гора микрорайонига олиб борувчи йўл тўсиб қўйилган. Вилоят прокуратураси Иркутскнинг Свердловск туманидаги Чайковский ва Маяковский кўчалари кесишмаси яқинида сув таъминоти тармоғида рўй берган узилиш бўйича тергов ҳаракатлари олиб борилаётганини маълум қилди.
