Калифорнияда канализация сувини ичишга рухсат берилди
Мамлакатда экстремал қурғоқчилик сабаб сув миқдори кескин камайиб кетган.
The Guardian нашрининг ёзишича, Калифорния мутасаддилари оқава сувлар истеъмолига рухсат берди.
Айни пайтда душ хоналари ва ҳожатхоналарнинг тозаланган сувлари парк ва ўйингоҳларни суғориш учун ишлатилмоқда. Янги қонун эса ундан ичимлик ва овқат тайёрлашда фойдаланишга рухсат беради. Калифорния — бундай янгилик жорий этилган биринчи штат эмас. Бундай чоралар Колорадода ҳам амал қилади.
Шу пайтгача бундай лойиҳалар рад этиб келинган, бироқ маҳаллий сув ҳавзаларининг қуриши калифорнияликни ўз қарашларини қайта кўриб чиқишга мажбур қилди.
Экстремал қурғоқчиликлар кетма-кетлиги сабаб захиралардаги сув миқдори кескин камайиб кетди.
