Британияда Чарлз III'нинг ўлимига тайёргарлик кўришни бошлаган
Қиролнинг ўлими ҳақида биринчи бўлиб Британия Бош вазири ва ҳукуматнинг айрим аъзолари хабар топади.
Қирол Чарлз III вафоти муносабати билан "Менаи кўприги" код номини олган дафн маросими ўтказилади. Мамлакат ҳукумати уни амалга оширишга тайёргарлик кўришни 2022 йил сентябрида, Елизавета II вафотидан кўп ўтмай бошлаган.
Хабарларга кўра, қиролнинг ўлими ҳақида биринчи бўлиб Британия Бош вазири ва ҳукуматнинг айрим аъзолари хабар топади. Шундан сўнг воқеа ҳақида ББС телерадиокомпанияси хабар беради, сўнгра хабар бошқа ОАВлар томонидан тарқатилади.
Чарлз III'нинг вафоти ҳақидаги хабардан сўнг дарҳол тахт унинг ўғли Уилямга ўтади ва унинг рафиқаси Кейт Миддлтон қиролича унвонини олади.
