Икки ойда энг кўп солиқ тўлаган йирик солиқ тўловчилар маълум қилинди
2024 йил январь-феврал ойларида 2 186 та йирик солиқ тўловчилар томонидан 17 триллион сўмдан ортиқ солиқ тушумлари амалга оширилди.
Солиқ қўмитаси хабарига кўра, шундан 8,7 триллион сўми давлат улуши мавжуд топ-10 та йирик солиқ тўловчи ҳисобига тўғи келади. Ушбу ўнликда солиқ тўловлари бўйича “Навоий кон металлургия комбинати” етакчилик қилмоқда – 4,5 триллион сўм.
Йирик солиқ тўловчилар: “Олмалиқ кон-металлургия комбинати” – 1,3 триллион сўм; “Ҳудудгазтаъминот” – 677,9 миллиард сўм; “Ўзбекнефтгаз” – 525,9 миллиард сўм; Uzbektrade – 523,9 миллиард сўм.
1,3 триллион сўми хусусий сектордаги топ-10 йирик солиқ тўловчилар ҳисобига тўғри келади. Рейтингда UZ BAT – 436 миллиард сўм солиқ тушумларини амалга оширган ҳолда энг юқори кўрсаткич қайд этган.
