Ўзбекистонга 2 ойда 81,4 тонна кофе импорт қилинган
Мамлакатга енг кўп қайси давлатдан қаҳва импорт қилингани аниқланди.
Статистика агентлиги дастлабки маълумотларига кўра, 2024 йилнинг январь-февраль ойларида Ўзбекистон хорижий давлатлардан қиймати 697,2 минг АҚШ долларига тенг бўлган 81,4 тонна кофе импорт қилган.
Кофе импорти 2023 йилнинг мос даври билан солиштирилганда 21,8 тоннага камайган.
Ўзбекистон 2024 йилнинг январь-февраль ойларида 16 та давлатдан кофе харид қилган.
2024 йилнинг дастлабки 2 ойида Ўзбекистон энг кўп кофе импорт қилган давлатлар:
— Италия – 27,8 тонна
— Германия – 15,2 тонна
— Польша – 8,8 тонна
— Россия – 7,4 тонна
— Буюк Британия – 4 тонна
— Бразилия – 2 тонна
