ЕИ Украинага 167 та генератор юборди
Айни пайтда мамлакатда энергетика инфратузилмасига ҳужумлар кучайган.
Украинанинг энергетика инфратузилмасига ҳужумлар кучайган бир пайтда Европа Иттифоқи зудлик билан ёрдам кўрсатди. Еврокомиссия матбуот хизматининг хабар беришича, генераторлар аллақачон мамлакатга жўнатилган.
Украинага юборилган 167 та электр генераторидан 10 таси 1 МВт қувватга эга. Брюсселга кўра, уларнинг ҳар бири фавқулодда вазиятларда ўртача катталикдаги касалхонани электр энергияси билан таъминлаши мумкин.
Аввалроқ Украина Энергетика вазири Герман Галущенко Россиянинг сўнгги ҳужумлари натижасида Украинадаги иссиқлик электр станцияларининг қарийб 80 фоизи ва гидроэлектр станцияларининг ярмидан кўпи зарар кўргани ҳақида маълум қилган эди.
