Россия Жиззахда атом электр станциясини қуради
Лойиҳа қиймати 11 миллиард доллар тенг.
“Росатом”сайтида эълон қилинган маълумотларга кўра, “Росатом” ва “Ўзатом” Ўзбекистонда биринчи атом электр станциясини қуриш бўйича шартномани якунламоқда.
АЭС лойиҳаси ВВЭР-1200 типидаги реакторлар билан жиҳозланган иккита энергоблокни қуришни назарда тутади.
Ушбу турдаги реактор “3+” авлодига тегишли бўлиб, хавфсизлик ва самарадорликнинг энг юқори халқаро стандартларига жавоб беради.
“Росатом” давлат корпорацияси Ўзбекистонда биринчи атом электр станциясини қуриш бўйича пудратчи сифатида танланган.
“Жиззах вилоятида жойлашган Тузкон кўли ҳудудини танлаш муҳандислик тадқиқотлари натижаларига кўра аниқланди, бу унинг ушбу турдаги объектни жойлаштириш учун яроқлилигини тасдиқлади”, — дейилади хабарда.
Биринчи энергия блокининг ишга туширилиши 2030 йилда, иккинчи блокнинг ишга туширилиши эса 2033 йилда амалга оширилиши режалаштирилган. Лойиҳанинг дастлабки қиймати 11 миллиард долларга баҳоланмоқда.
Эслатиб ўтамиз, Ўзбекистон ва Россия ўртасида станция қурилишини назарда тутувчи ҳамкорлик шартномаси 2017 йил декабрида имзоланган. Ўшандан бери ушбу шартномани якунлаш орқага сурилиб келинаётган эди.
2017 йилдан сўнг Ўзбекистонда “Ўзатом” Атом энергетикасини ривожлантириш агентлиги ҳам ташкил этилди.
