Ниқоб остидаги юлдузлар
Жиддий жароҳатлар ҳам баъзи футболчиларни муҳим ўйинларсиз қолдиролмайди.
Бурни цинганидан кейин Килиан Мбаппе энди Франция терма жамоасида Европа чемпионатида махсус тайёрланган ниқобда ўйнайди. Футболчи жарроҳлик амалиётига муҳтож эди, аммо шифокорлар билан биргаликда у операцияни кейинга қолдиришга қарор қилди. Бу бутун турнирни ўтказиб юборишига сабаб бўларди. Мбаппе учун дастлаб Франция байроғи тушурилган замонавий ниқоб ишлаб чиқарилди, бироқ УЭФА бундай ниқобда ўйнашни тақиқлади. Мбаппедан ташқари яна бир қатор футболчилар муҳим баҳсларда ниқобда майдонга тушган. Бугун бу ҳақда батафсил маълумотга эга бўлишингиз мумкин.
Майкл Баллак
2011 йилда "Фрайбург"га қарши сафар ўйинида Баллак рақиб билан тўқнашиб, майдонни тарк этганди. "Байер" бош мураббийи Робин Дутт ўшанда ярим ҳимоячининг бурни цинганини маълум қилган. Шундан сўнг, Баллак учун бурнини тўлиқ қоплаган ниқоб тайёрланди. Бу жуда ғайриоддий кўринарди.
Паоло Малдини
Малдини Милан дербисида бурнини синдириб олади, шундан сўнг у бир неча ҳафта касалхонада ётди. У Чемпионлар Лигаси чорак финалида "Аякс"га қарши ўйинга қайтади ва майдонга ниқобда чиқади.
Виктор Осимҳен
2021 йилнинг ноябрида "Наполи" ва "Интер" учрашувида Осимҳен рақиб ҳимоячиси билан тўқнашиб кетади. Жароҳат даҳшатли эди - Викторнинг нафақат бурнига, балки кўз бўшлиғига ҳам жиддий зарар етади. Қайта тикланиш бир неча ой давом этади, шундан сўнг форвард майдонга ниқоб кийиб қайтади. Ажабланарлиси шундаки, Осимҳен ҳали ҳам унда ўйнаяпти. 2022 йилда «Наполи» шифокори Роберто Руджиеро бу унга хавфсизликни таъминлашини тушунтирди.
Роберт Левандовски
2015 йилда Левандовски Германия кубоги ярим финал учрашувида бурни ва жағини синдириб олган: Дортмунднинг "Боруссия"си билан учрашувнинг 117-дақиқасида у дарвозабон Митчелл Лангерак билан тўқнашиб кетади, шундан сўнг у касалхонага ётқизилган эди. Бир неча кундан сўнг Роберт ҳимоя ниқобида машғулотларга қайтди. Полякдан ниқоб билан ўйнаш тажрибаси ҳақида сўрашганида шундай деган.
"Ниқоб кийишим керак бўлганида, бу ёқимсиз эди. Айниқса, жарима майдончасида бу ноқулай эди: кўриш майдоним чекланган эди. Бу қийин, лекин саломатлик, албатта, муҳимроқдир. Мен Мбаппе қандай қийинчиликларга дуч келаётганини тушунаман”.
Пер-Эмерик Обамеянг
2022 йилда Обамеянг "Челси"га ниқоб кийган ҳолда кўчиб ўтди - трансфердан бир неча кун олдин унинг уйига қароқчилар кириб келишди.
"Якшанба куни кечқурун қандайдир кимсалар уйимизга бостириб киришди, менинг оилам ва болаларимга шунчаки бирор нарсани ўғирлаш билан таҳдид қилишди. Улар менинг жағимни синдиришди, лекин мен тезда тузалиб кетдим, бошқа ҳеч ким жабрланмади".
Шундан сўнг, Обамеянг учун ёноқ суякларини ҳимоя қиладиган ниқоб тайёрланди.
Жон Терри
2007 йилда, "Фулҳем" билан ўйиннинг учинчи дақиқасида "Челси" сардори Клинт Демпси билан тўқнашади. Жароҳат жиддий эди, лекин Терри танаффусга қадар ўйнайди, шундан сўнг у қайтмади - охир-оқибат футболчига ёноқ суяги цинганлиги ташхиси қўйилди. Футболчи операция қилинди ва унинг майдонга қайтиши учун клуб буйруғи билан қулай ниқоб тайёрланди.
