Евро-2024: Чорак финални кимлар ўтказиб юборади?

 

Европа чемпионатининг энг муҳим ўйинлар яқинлашмоқда. Олдинда чорак финал баҳслари бор. Саккизта энг кучли жамоал 1/4 финалга чиқди: Испания, Германия, Франция, Португалия, Англия, Швейцария, Голландия ва Туркия. Аммо кейинги ўйинда ҳамма ҳам ўз жамоаларига ёрдам бера олмайди. Дисквалификация туфайли 1/4 финални ким ўтказиб юборади? Келинг буни биргаликда кўриб чиқамиз.

 

Луис де ла Фуэнте ва Юлиан Нагелсман чорак финалда барча футболчиларга ишонишлари мумкин. Плей-оффнинг биринчи босқичидан сўнг ҳеч қандай футболчи дисквалификация қилинмади. Демак, дисквалификация таҳдиди остида бўлган футболчилар чорак финалда четлатилишидан ҳам кўра огоҳлантиришдан қочишлари керак. Кимда битта сариқ карточка бор? Германияда Антонио Рюдигер, Максимилиан Миттелстедт ва Роберт Андрич Испанияда эса Робин Ле Нормант, Даниел Карвахал, Даниел Вивиан ва Алваро Мората дисквалификация қилиниши мумкин.

 

Португалияликларда дисквалификациялар билан боғлиқ муаммолар йўқ, бироқ Францияда битта ўйинчи бор. Ярим ҳимоячи Адриен Рабио Бельгия билан 1/8 финал учрашувида сариқ карточка олди. Бу Евро-2024даги иккинчи карточка бўлди: аввалроқ у Полша билан гуруҳ босқичининг 3-турида огоҳлантирилганди. Демак, Рабио Португалия билан ўйинни ўтказиб юборади.

 

Кўпгина футболчилар жуда кўп карточкалар туфайли ярим финални ўтказиб юбориш хавфи остида. Португалияда Франсиско Консейсау, Жоау Паҳлиня, Педро Нето, Рубен Невеш, Жоау Канселу ва ҳатто Криштиану Роналду ҳам бор. Францияда Усмон Дембеле, Килиан Мбаппе, Антуан Гризманн ва Аурелиен Чуамени бор.

 

Швейцария Англия билан ўйинга энг кучли таркиб билан киради. Аммо инглизлар таркибида муҳим ўйинчини баҳсни ўтказиб юборади. Ҳимоячи Марк Гуэхи Словакия билан ўйиннинг учинчи дақиқасида сариқ карточка олганди. Бу 23 ёшли футболчи учун турнирда иккинчиси бўлди. Аввалроқ Гекхи Словения билан гуруҳ босқичининг 3-тур ўйинида огоҳлантирилганди. Бўлажак ўйинда ким сариқ карточка олмаслиги керак? Акс ҳолда, бу ўйинчилар ярим финални ўтказиб юбориши мумкин. Англияда Киран Триппиер, Кобби Майну, Конор Галлагер, Жуд Беллингем ва Фил Фоден бор. Швейцарияда Рикардо Родригес, Винсент Серро, Ремо Фрейлер, Гранит Жака, Дан Ндое мазкур футболчилар орасига киради.

 

 

Голландия терма жамоаси чорак финалга йўқотишларсиз етиб келди. Аммо 1/8 финалда Австрияни қаҳрамонона мағлуб этган Туркияга кейинги босқичда бирданига иккита футболчи ёрдам беролмайди. Оркун Кўкчу ва Исмоил Юксек Голландияга қарши ўйинда қатнашмайди. Голландияда Ёеи Верман, Ерди Шоутен, Дензел Думфриес, Дониел Мален сариқ карточка оладиган бўлса, ярим финални ўтказиб юборади. Туркияда эса бу рўйхатда Зеки Челик, Кенан Йилдиз, Мерт Гюнок, Угуржан Чақир, Каан Айхан, Солиҳ Ўзжан, Арда Гулер бор.