Қайси футболчилар Евро-2024 ярим финалини ўтказиб юборишади?

 

Евро-2024нинг якунланишига ҳама саноқли кунлар қолди. Бизни олдинда Испания – Франция ва Голландия – Англия учрашувлари кутиб турибди. Бундай ўйинларда барча юқори даражадаги баҳсларни кутади. Айримлар эса майдонда энг зўр футболчиларни кўришни истайди. Лекин, афсуски, ҳамма футболчилар ҳам доим бундай имкониятга эга бўлавермайди. Сабаблари дисквалификация ва жароҳатлардир. Хўш, 1/2 финал баҳсларини кимлар ўтказиб юборади?

 

Робин Ле Нормант, Даниел Карвахал, Даниел Вивиан ва Алваро Мората Германияга қарши Евро чорак финали олдидан дисквалификация қилинган эди. Шу сабабли улар ярим финални ўтказиб юборишади. ОАВ Мората заҳирада ўтирганида сариқ карточка олгани ҳақида хабар тарқатганди. Бироқ, сўнгги соатларда бу маълумотлар нотўғри бўлиб чиқди. Демак, ҳужумчи Францияга қарши майдонга тушиши мумкин. Испания учун яна бир муаммо бор. Бу Педрининг жароҳати. Германия билан учрашув бошида Тони Кроос унга жароҳат етказди. Шу сабабли ярим ҳимоячи алмаштирилганди ва 21 ёшли футболчи турнирда бошқа иштирок этолмайди. Де ла Фуэнте учун яна бир муаммо.

 

Францияда Усмон Дембеле, Килиан Мбаппе, Антуан Гризманн ва Аурелиен Чуамени дисквалификация қилиниш хавфи остида. Лекин уларнинг ҳеч бирига Португалия билан учрашувда сариқ карточка кўрсатилмади. Шу боис, Диде Дешам Испания билан ўйинда барчага, жумладан дисквалификация муддатини ўтаб бўлган Адриен Рабёга ҳам ишониши мумкин.

 

Ёеи Верман, Ерди Шоутен, Дензел Дамфрис, Донел Мален сариқ карточка олишган тақдирда ярим финални ўтказиб юборишлари мумкин эди. Аммо Голландия Туркия билан ўйинда ғалабани қўлга киритди ва футболчиларнинг биронтаси карточка олмади. Демак, Англияга қарши ўйинда Роналд Куман таркибдаги исталган футболчидан фойдаланиши мумкин бўлади.

 

Инглизлар учун Киран Триппиер, Кобби Майну, Конор Галлагер, Жуд Беллингҳем ва Фил Фоденнинг ҳисобида биттадан сариқ карточка бор. Англиянинг охирги ўйинида фақат Ҳарри Кейн огоҳлантириш олди. Бу Саутгейт учун яхши янгилик эмас.