Файзуллаев ҳам Францияга йўл олди
Бу ҳақда Россия клуби матбуот хизмати хабар берди.
Хабарингиз бор, Ўзбекистон олимпия терма жамоаси бугун тонгда 2024 йилги Олимпиада ўйинларига тайёргарлик кўриш учун Францияга жўнаб кетди.
Легионеримиз Аббосбек Файзуллаев ҳам Ўзбекистон терма жамоаси жойлашган жойга жўнаб кетди. Бу ҳақда "армиячилар" клуби матбуот хизмати хабар берди. Аввалроқ, "Рубин" клуби ярим ҳимоячи Умарали Раҳмоналиев олимпия терма жамоамиз ихтиёрига жўнаб кетганини эълон қилган эди.
Эслатиб ўтамиз, футбол бўйича Олимпия турнири 24 июлдан 9 августгача бўлиб ўтади. Ўзбекистон терма жамоаси гуруҳ босқичида Испания, Миср ва Доминикан Республикаси жамоалари билан ўйнайди.
