Исроил клублари мусобақалардан четлатилиши мумкин
20 июль куни ФИФАнинг навбатдан ташқари йиғилиши бўлиб ўтади.
Халқаро футбол федерацияси ташкилот кенгаши йиғилишида Исроил жамоалари ва клубларини халқаро мусобақаларда иштирок этишдан четлаштириш тўғрисида қарор қабул қилиши мумкин.
20 июль куни ФИФА кенгашининг навбатдан ташқари йиғилиши бўлиб ўтади. Адвокат Макс ду Плессис Исроил расмийларининг Фаластиндаги ҳаракатлари ФИФАънинг асосий мақсад ва ғояларига путур етказиши ҳақида ҳисобот тайёрлади.
Ҳисоботда, шунингдек, Исроил инсон ҳуқуқларини поймол қилаётгани, мамлакат расмийлари миллатига кўра камситишлари, бу инсонпарварлик мақсадлари ва ФИФА позициясига зид эканлиги қайд этилган.
Май ойида Фаластин футбол ассоциацияси президенти Жибрил Ражуп ФИФАдан Исроил футбол федерациясининг ташкилотдаги аъзолигини тўхтатишни талаб қилди.
