Мбаппе Роналдунинг рекордини такрорлади
У бир нечта афсонавий футболчиларни ортда қолдирди.
16--июль куни "Реал Мадрид" Килиан Мбаппени мухлисларга расман таништирди. Француз футболчисининг тақдимоти ташриф рекордини такрорлади. Килиан кимларнинг натижаларини ортда қолдирди?
4-5 ўринлар - Неймар
2023 йилда бразилиялик ҳужумчининг "Ал-Ҳилол"га ўтиши Саудия Арабистонидаги мухлислар учун ҳақиқий байрамга айланганди. Неймарнинг тақдимотига 60 минг киши келган.
4-5 ўринлар - Карим Бензема
Ўша йилги трансфер ойнасида "Олтин тўп" соҳиби ҳам Саудия клуби сафига бориб қўшилди. Французнинг "Ал-Иттиҳод"даги тақдимот маросимида 60 минг кишини тўпланган.
3-ўрин - Диего Марадона
1984 йилда аргентиналик афсонавий футболчининг "Наполи"даги тақдимот маросимида 65 минг мухлис стадионга йиғилган.
1-2-ўринлар - Криштиану Роналду, Килиан Мбаппе
Роналдунинг "Реал"га трансфери тарихдаги энг қиммат трансферга айланганди. Португалияликнинг клубдаги тақдимотини томоша қилиш учун 80 минг киши ташриф буюрган. Килиан Мбаппенинг "Реал"га ўтиши ҳақидаги достон 16 июль куни "Сантяго Бернабеу"да расман якунига етди. Мбаппе Роналдунинг рекордини такрорлади ва трибунага 80 минг кишини тўплади.
