Мерино учун яна бир клуб курашга қўшилди
Футболчига АПЛ жамоалари ҳам қизиқиш билдирмоқда.
Испания терма жамоаси ва "Реал Соседад" клуби ярим ҳимоячиси Микел Мерино айни дамда бир қатор гранд клублар нишонида бўлиб турибди.
Эндиликда, Мерино учун "Атлетико" Мадрид жамоасидан таклифлар бор. Мадридликлар марказий ярим ҳимоя чизиғини кучайтириш ниятида ва клуб "Реал Соседад" етакчисини сотиб олмоқчи. Сан-Себастян клуби футболчи учун 30 миллион евро талаб қиляпти. "Атлетико" эса 24 ёшли футболчи учун 20 миллион евро таклиф қилган.
Аммо Мадрид клубининг асосий трансфер мақсади "Челси" футболчиси Конор Галлахер бўлиб, Лондон жамоаси кейинги йил шартномаси тугайдиган футболчидан фойда кўришни хоҳлайди. Агар "Атлетико" Галлахерни сотиб ололмаса, бор эътиборини Меринога қаратади.
Маълумот ўрнида, Мерино учун айни дамда "Арсенал", "Астон Вилла" каби клублар жиддий қизиқиш билдирган.
