Гвардиола “Манчестер Сити”дан кетмоқчи
У бу ҳақда интервюларидан бирида гапирди.
“Манчестер Сити”ни Англия Премьер-лигасининг энг қудратли жамоасига айлантирган Хосеп Гвардиола клубдаги келажаги ҳақида гапирди.
“Манчестер Сити”да саккиз йил ишлаб қўйибман. Бу ерда яна шунча қолиш ниятим йўқ. Лекин бу ҳозироқ кетяпман, деганим эмас. Бир клубда шунча вақт ишлаш асрларга тенгдек туюлади. Мен жамоадан кетишим ёки ишимни давом эттиришим ҳақидаги қарорим нафақат ўзим, балки клуб ва ўйинчиларга ҳам манфаатли бўлишига ишонч ҳосл қилишим мен учун жуда муҳим. Қачон кетишга қарор қилсам, бу ҳақда ҳаммага айтаман. Нима бўлишини кўрамиз. Шартномани узайтириш масаласини ҳам инкор қилмайми. Ўзимга қолса, жамоада бўлганим маъқул, - деди Хосеп Гвардиола.
53 ёшли испаниялик мутахассис 2016 йилдан бери "шаҳарликлар" бош мураббийлик қилиб келади. Унинг амалдаги шартномаси келаси ёз якунланади.
