Париж—2024. Ўзбекистонлик ҳакам чорак финалдаги энг муҳим учрашувни бошқариб боради
Мазкур баҳс 3 август куни бўлиб ўтади.
Айни кунларда Франция пойтахти Париж шаҳрида Олимпия ўйинлари баҳслари бўлиб ўтмоқда. Ушбу мусобақанинг футбол беллашувлари чорак финал босқичи доирасидаги Франция – Аргентина учрашувида Илгиз Танташев бошчилигидаги ўзбекистонлик ҳакамлар иш олиб боради.
Унга қанотларда Андрей Тсапенко ва Тимур Гайнулин ёрдам беради. Мазкур баҳс 3 август куни Тошкент вақти билан 00:00 да старт олади.
Ушбу баҳс Танташев бошчилигидаги ҳакамларнинг Париждаги мусобақадаги учинчи ўйини ҳисобланади. Ўзбекистонлик ҳакамлар гуруҳ баҳсларида Франция—Гвинея ҳамда Парагвай—Мали учрашувларини бошқарди.
