Элдор Шомуродовга яна бир жамоа қизиқиш билдирмоқда
"Рома" футболчиси Италиянинг бошқа клубига ўтиши мумкин.
Ўтган мавсумда ўзбекистонлик футболчи "Каляри"да ижара асосида ўйнаганди. Бироқ сардинияликлар трансфер ҳуқуқи "Рома"га тегишли бўлган футболчини сотиб олмади. Энди футболчига "Сампдория" клуби қизиқиш билдирмоқда. Ҳозирча шартнома тафсилотлари маълум эмас.
Ўзбекистонлик футболчи 2020/2021 йилги мавсумда "Женоа" сафида тўп сурган. Ўша мавсумда спортчи А Cерияда 8 та гол урди.
Агар Элдор Шомуродов "Сампдория"да ўйнаса, ўтмишда ажойиб футболчи бўлган Андреа Пирло қўл остида шуғулланиш имконига эга бўлади.
Аввалроқ МЛСнинг “Атланта Юнайтед” жамоаси клуби ўз таркибига Элдор Шомуродовни қўшиб олиши мумкинлиги хабар берилган эди.
