“Бизнинг мақсадимиз требл ютиш”
"Бавария" клуби сардори Мануел Нойер жамоанинг янги мавсумдаги мақсадини айтди.
Дарвозабоннинг таъкидлашича, мюнхенликлар ўтган мавсумдагидек совринсиз қолишни истамаяпти. Шунинг учун, жамоанинг мақсади требл ютиш, лекин, бунинг учун қаттиқ меҳнат қилиш кераклигини айтди.
“Биз жамоа сифатида ўсишимиз керак. Бизга янгиланган таркиб ва мураббийлар штаби бор. Бу клубга янги қон билан янги куч олиб келтирди. Биз требл ютишни хоҳлаймиз”,- деди 38 ёшли голкипер Бундеслига прессасида.
Эслатиб ўтамиз,кеча 21 август куни Мануел Германия терма жамоасида фаолиятини якунлади.
