“Реал”нинг иккинчи таркиб футболчилари ўзини кўрсатмоқда

 

Испания чемпионатида "Реал" ва "Валядолид" тўқнаш келди. 2-тур ўйинида мухлислар Мадрид клубидан фақат ғалаба кутишганди ва якунда шундай ҳам бўлди. Чемпионлар лигаси ва UEFА Суперкубогининг амалдаги ғолиби учун кетма-кет икки турда очко йўқотиши кўплаб тандиқларга сабаб бўларди.

 

Гарчи, мадридликлар йирик ҳисобда гаъалаба қозонган бўлсада, "Реал" учун учрашув унча яхши ўтмади. Биринчи бўлим нисбатан тенг курашлар остида кечди. Иккала жамоа ҳам гол уриш имкониятини ярата олмади. Биргина, 32-дақиқада Мбаппенинг ўткир бурчак остида йўллаган зарбаси кўпчиликнинг эсида қолди. "Реал Мадрид"нинг асосий ҳужум триосида Килиан, Виниcиус ва Родриго ҳаракат қилмоқда. Карло Анчелотти ўйин давомида бир нечта мажбурий ўзгаришларни амалга оширишига тўғри келди. Арда Гулер жароҳат олган Жуд Беллингем ўрнига, Франсиско Гарция эса дисквалификация қилинган Ферланд Мендининг ўрнига асосий таркибда майдонга тушди.

 

Иккинчи бўлим бошида "Реал" ҳисобни очишга муваффақ бўлди. Гулернинг жарима зарбасидан сўнг, Федерико Валверде рақиб дарвозасига тўп киритди. Ҳисоб очилганидан кейин, "Реал"да имкониятлар бўла бошлади. Гулерда бир қанча қулай вазиятлар бўлди, лекин ҳар сафар унинг зарбалари бартараф этилди. 69-дақиқада эса туркиялик футболчи Лука Модричга ўз ўрнини бўшатиб берди. "Реал" иккинчи бўлимда яхши ўйин кўрсатган бўлсада, бир тўп устунлиги футболчиларни узоқ вақт асабийлаштирди. Мезбонларнинг ғалабасини Браҳим Диас кафолатлаб берди, у дарвозабон билан яккама-якка қолиб, чиройли тарзда тўпни рақиб дарвозасига жойлаб қўйди. Эндрик эса ўйин якунида рақибини чиройли тарзда алдаб ўтиб, яқин бурчакка зарба йўллаб, якуний нуқтани қўйди - 3:0. Шу тариқа "Реал Мадрид" уч очкони қўлга киритди.