Америкада самолёт шинаси ёрилиб, икки киши ҳалок бўлди
Ҳодиса техник ишлар вақтида юз берган.
АҚШнинг Атланта аэропортида самолёт тўхтаб турган вақтида унинг шинаси ёрилиб, икки киши ҳалок бўлди. Бу ҳақида “Медуза” хабар бермоқда.
Техниклар ҳаво кемасининг шинасини алмаштирмоқчи бўлганида у ёрилиб кетган. Оқибатда икки киши ҳалок бўлган, яна бир ходим яраланган.
Ҳодиса сабаблари ва самолёт русуми ҳақида ҳозирча маълумот йўқ. Расмийларнинг таъкидлашича, бу аэропортнинг иш жадвалига таъсир қилмаган.
