“Олтин тўп” учун жиддий баҳс

 

"France Foatball" журнали 2023/2024 йилги мавсумда "Олтин тўп" учун 30 нафар номзод номини эълон қилди. Ғолиб номи 28 октябрь куни бўлиб ўтадиган тантанали маросимда эълон қилинади. 21 йил ичида биринчи марта Лионел Месси ҳам, Криштиану Роналду ҳам давогарлар рўйхатидан жой олишмади. Кўрсаткичларга кўра, соврин "Реал"дан Винициус ёки "Манчестер Сити"дан Родрига берилади.

 

Ҳужумчи ва ярим ҳимоячининг ўйинини солиштириш янада қийинроқ иш. Кўриниб турибдики, улар тубдан фарқли ўйин услубларига эга. Бироқ, мукофотнинг ўзи турли позициядаги ўйинчиларни таққослашни ўз ичига олади.

 

Рақамлар фақат майдондаги позициялар орқали белгиланиши керак. Масалан, Винсиуснинг 78% узатмаларини аниқ амалга оширилган. У рақиб дарвозасига яқинроқ ўйнайди, бразилияликнинг вазифаси вазиятни кескинлаштириш. Родри ҳар бир ўйинда 150 дан ортиқ аниқ узатмаларни амалга ошириши мумкин, аммо бунинг ўзи ҳеч нарса бермайди. 2022 йилги жаҳон чемпионатида тўпга эгалик қилишдан бошқа деярли ҳеч нарса кўрсатмаган Испания терма жамоасини эслаш кифоя. Аммо, Родри терма жамоада ҳам, клубда ҳам ҳужумлар йўналишини белгилаб берувчи футболчига айланган. Бу борада бошқа футболчилардан яхшироқ ҳаракат қилади.

 

Бир қарашда ажаблантирадиган кўрсаткич - бу голли узатмалар сони. Бу ерда Родрининг устунлиги нисбий. Майдондаги ўйин ёки дақиқаларга голли узатма нисбатини оладиган бўлсак, Винициус олдинда. Бошқа томондан, бразилияликнинг жароҳат туфайли 75 кун майдонга туша олмаганлиги унга фойда келтирмайди.

 

Лекин, ҳайратланарли нарса - муваффақиятли дриблинглар фоизи. Винициуснинг маҳорати ва майдондаги позицияси унинг ушбу компонентда устун бўлишини кўрсатади. Агар биз фақат Испания чемпионатини оладиган бўлсак, унда унинг фоизи ундан ҳам пастроқ - 36,9%. Яъни, кўп ҳолларда бразилиялик дриблингни бошласа, тўпни йўқотади. Ўтган мавсумда бошқа юлдуз дриблингчиларнинг кўрсаткичи юқорироқ бўлган: Килиан Мбаппе (45,9%), Рафаэл Леао (50%), Жереми Доку (51,5%), Жамол Муциала (56,5%).

 

Жадвалда акс эттирилмаган битта параметр мавжуд бу - интизом. Родрининг сариқ карточкалари бироз кўпроқ, дейиш мантиққа тўғри келмайди, чунки унинг позицияси бринчи навбатда рақиб ҳужумларини тўхтатиш билан боғлиқ. Бундай вазиятда ҳимоячининг сариқ карточкалари бироз кўпроқ бўлса ажабмас. Винициусда ҳам мухлислар, ҳам ҳакамлар билан баҳслашадиган одати бор. Бироқ, 2023/2024 йилги мавсумда ҳужумчи фақат турли ҳаракатлари учун огоҳлантириш олган.