Инеста ўзига шахсий клуб сотиб олди
Собиқ футболчи жамоани яхшилашга ва ривожлантиришга ҳаракат қилишини айтган.
"Барселона" клуби ва Испания терма жамоасининг собиқ футболчиси Андрес Инеста "Хелсингёр" футбол клуби эгасига айланди.
“Футбол ва умуман спорт мени ўзига тортадиган нарса. Фаолиятим давомида тўпланган тажрибамни ушбу клубга олиб келмоқчиман. Мен жамоани яхшилашга ва ривожлантиришга ҳаракат қиламан", - деди Инеста.
Қайд этиш жоиз, "Хелсингёр" Даниянинг учинчи дивизионида иштирок этади. Ушбу клуб 2005 йилда ташкил топган.
Андрес Инеста фаолиятининг асосий қисмини "Барселона"да ўтказган. Кейин эса Япониянинг “Виссел Кобе” ва Бирлашган Араб Амирликларининг "Эмирейтс" клубларида ўйнаган. У ўтган ой профессионал футболчилик фаолиятини якунлаганини эълон қилган эди.
