Ўзбекистон октябрь ойида қанча олтин сотди?
Ўн ой ичида Ўзбекистоннинг ташқи савдо айланмаси 54,36 миллиард долларни ташкил этди.
Ўтган йилнинг мос даврига нисбатан бу кўрсаткич 6,7 фоизга ошган. Бунга экспортнинг сезиларли ўсиши (22,42 млрд доллар, +9,6 фоиз), шунингдек, импортнинг ўсиши (31,92 млрд доллар, +4,7 фоиз) сабаб бўлди.
Октябр ойида Ўзбекистон олтинни сотишни давом эттирди ва 833,4 миллион долларлик олтин сотди. Йил бошидан буён қимматбаҳо металл экспорти ҳажми 6,6 млрд доллардан ошди (йиллик кўрсаткичда 3,5 фоизга пасайиш).
Олтиндан ташқари, саноат моллари товар экспортининг асосий қисми бўлиб қолмоқда. Йил бошидан буён уларни етказиб беришдан тушган тушум 3,4 млрд долларга (+0,8 фоиз) етди.
Товарлар импорти таркибида машинасозлик маҳсулотлари 11,21 млрд доллар (-4,2 фоиз) билан етакчилик қилмоқда. Автомобиллар ва бутловчи қисмларни етказиб бериш 2,68 млрд доллар (-23,8 фоиз), электротехника — 1,65 млрд доллар (+22,2 фоиз), энергия генераторлари — 917,8 млн доллар (+29,9 фоиз), алоқа қурилмалари — 866 млн доллар (+16,1 фоиз)ни ташкил этди.
Иккинчи ўринни саноат товарлари эгаллади — 4,96 млрд доллар (-3,2 фоиз). Чўян ва пўлат (2,19 млрд доллар, +5,6 фоиз), ёғоч маҳсулотлари (327,8 млн доллар, +7 фоиз) ва рангли металлар (312,3 млн доллар, +11,4 фоиз) импорти ошди.
Ёқилғи ва ёқилғи-мойлаш материаллари етказиб бериш ҳажми ярмидан кўпроққа кўпайиб, 3,26 миллиард долларга етди. Россия ва Туркманистондан газ импорти 2,4 бараварга ўсиб, 1,36 миллион долларни ташкил этди. Нефть ва нефть маҳсулотлари учун харажатлар 1,66 миллиард долларга етди (йилига 33,3 фоиз).
