Bitcoin нархи тарихда илк бор 100 минг доллардан ошди
Экспертлар Трампнинг сайловдаги ғалабаси криптовалюта бозорига кучли туртки берганини айтмоқда.
Bitcoin нархи Дональд Трампнинг АҚШ президенти сифатида криптовалюталар учун қулай сиёсат олиб бориши ҳақидаги тахминлар туфайли кўтарилмоқда.
Трамп АҚШ Қимматли қоғозлар ва биржалар комиссиясига (SEC) унинг амалдаги аъзоси Пол Аткинсни раҳбари этиб тайинлаш ниятида эканини эълон қилганидан бир неча соат ўтгач, Bitcoin янги рекорд ўрнатди.
Қайд этиш жоизки, Дональд Трампнинг сайловдаги ғалабаси криптовалюта бозорига кучли туртки берди. Ҳозирда экспертлар унинг капиталлашувини 3,3 триллион долларга баҳоламоқда. Трамп сайловолди кампаниясида Қўшма Штатларни “дунёнинг крипто пойтахтига” айлантиришга ваъда берган эди. Аммо уч йил олдин у Bitcoin'ни "фирибгарлик" деб атаганди ҳам.
Трампнинг қарашларидаги ўзгариш Bitcoin нархининг унинг сайловдаги ғалабасидан кейин бир ой ичида 40 фоизга, жорий йил бошидан эса икки баробардан кўпроққа кўтарилишига олиб келди.
