Муҳаммад Салоҳ АПЛда яна бир рекорд ўрнатди
У АПЛ тарихидаги умумий тўпурарлар рейтингида еттинчи ўринни эгаллаб турибди.
"Ливерпул" АПЛ 17-туридан ўрин олган "Тоттенҳем"га қарши учрашувда меҳмонда 6:3 ҳисобида ғалаба қозонди. Ушбу учрашувда мисрлик футболчи 2 гол ва битта ассист қайд этди. Шу Шу тариқа, 32 ёшли Салоҳ 252 та самарали ҳаракат (172 та гол ва 80 та голли узатма) қайд этиб, АПЛда 249 та кўрсаткичга эга бўлган "Арсенал"нинг собиқ ҳужумчиси Терри Анрини ортда қолдирди (175 та гол ва 74 та голли узатма).
Энди Салоҳ АПЛ тарихидаги умумий тўпурарлар рейтингида еттинчи ўринни эгаллаб турибди, Алан Ширер 328 очко (260 гол ва 68 голли узатма) билан биринчи ўринда қайд этилган.
Маълумот учун, Муҳаммад Салоҳ Премьер Лига тарихида янги йилга қадар 10 та гол ва 10 голли узатмадан ортиқ натижа натижа қайд этган биринчи футболчи бўлди. У жорий мавсум Англия чемпионатида тўпурарлар ва ассистентлар рейтингида пешқадамлик қилмоқда.
