"Реал" ҳам Ҳусанов учун курашга қўшилди
Мадридликлар марказий ҳимояни кучайтириш ҳақида ўйламоқда.
Ўзбекистон миллий терма жамоаси ва «Ланс» ҳимоячиси Абдуқодир Ҳусанов учун курашга "Реал Мадрид" жамоаси ҳам қўшилди. "Қаймоқранглилар" марказий ҳимояни кучайтириш мақсадида бир неча вариантларни кузатиб бормоқда.
Айни вақтда Карло Анчелотти жамоаси учун ҳимояда кучли хислатларга эга футболчи жуда муҳим саналади. Шу сабабдан клуб скаутлари трансфер бозорида клуб учун муносиб футболчини топишга ҳаракат қилмоқда.
Абдуқодир Ҳусановнинг тахминий трансфер нархи 20 миллион еврони ташкил этиши мумкин. Ўзбекистон миллий терма жамоаси ҳимоячисига "ПСЖ" ҳам қизиқмоқда. Бироқ асосий рақобат "Реал" ва "Сити" ўртасида бўлиб ўтиши кутилмоқда.
