"Олтин тўп" учун курашда ким нечанчи ўринда?

 

"Гоал нашри" 2025 йилги "Олтин тўп"га давогарлар учун прогнозни эълон қилди. Рейтингда жиддий ўзгаришлар рўй берган.

 

6 - ўрин, Виниcиус Жуниор

 

Бразилиялик футболчи декабрь ойида рейтингнинг иккинчи поғонасида келаётган эди. Бироқ, айни вақтга келиб ҳужумчи олтинчи ўринга тушиб қолди. У жорий мавсум "Реал Мадрид" сафида 28 та ўйинда 16 та гол урди ва 10 та голли узатмани амалга оширди.

 

5 - ўрин, Килиан Мбаппе

 

"Реал Мадрид"нинг яна бир футболчиси Килиан Мбаппе умумий рўйхатда бешинчи ўриндан жой олган. Франциялик ҳужумчи жорий мавсумда 33 ўйинда 21 та гол урди ва 3 та голли узатмани амалга оширди.

 

4 - ўрин, Роберт Левандовски

 

"Барселона" ҳужумчси декабрь ойидаги кўрсаткичларга қараганда бир поғона юқорилади. Левандовски жорий мавсумда 32 та ўйинда 30 та гол урди ва 3 та голли узатмани амалга оширди.

 

3 - ўрин, Ламин Ямал

 

"Барселона вингери декабрь ойида кучли бешликка кира олмаган эди. Бироқ, айни вақтда "Олтин тўп" учун курашда учинчи ўринда бормоқда. Ямал жорий мавсум 30 та ўйинда 11+16 натижа қайд этди.

 

2 - ўрин, Рафиня

 

"Барселона" ҳужумчиси аввалги ўрнига нисбатан бир поғона юқорилади. Рафиня жорий мавсумда 34 ўйинда майдонга тушиб, 23 та гол урди ва 15 та голли узатмани амалга оширди.

 

1 - ўрин, Муҳаммад Салоҳ

 

"Ливерпул" ҳужумчиси биринчиликни ҳеч кимга бермай келмоқда. Бу мавсумда Салоҳ 34 та ўйинда қатнашиб, 26 та гол урди ва 18 та голли узатмани амалга оширди.