Тошкентда ўқувчи қизга шилқимлик қилган йигит қамалди
Суд унга 5 сутка маъмурий қамоқ тайинлаган.
Маълум қилинишича, 1999 йилда туғилган Ж.У. жорий йилнинг 12 февраль соат 16:00 атрофида Янгиҳаёт тумани Йўлдош-1 мавзесида ўз автомашинасида вояга етмаган Р.С. га шаҳвоний шилқимлик қилган.
Ҳолат юзасидан суд иши ЖИБ Янгиҳаёт тумани судида кўриб чиқилди.
Судда судланувчи Ж.У. айбига иқрорлик билдириб, автомашинасига вояга етмаган Р.С.ни чақириб, унга уятли ҳаракатлар қилганлигини, ҳозирда қилган қилмишларидан пушаймонда эканлигини, бошқа бундай ҳуқуқбузарлик содир қилмаслигини билдириб кўрсатма берган.
Суд ҳукмига кўра, судланувчи МЖтКнинг 41-1-моддасида назарда тутилган ҳуқуқбузарликни содир қилган деб топилиб, унга нисбатан 5 сутка маъмурий қамоқ жазоси тайинланди.
