Россия молия бозорида доллар нархи тушмоқда
Мутахассислар валюта бозоридаги ҳолатга изоҳ берди.
17 март куни эрталаб халқаро валюта бозорида доллар курси 85 рублдан пастига тушди ва бу ҳолат охирги марта 11 мартда кузатилган эди.
Маълумотларга кўра, Москва вақти билан 10:31 да доллар курси 84,98 рублни ташкил этиб, 0,32 фоизга пасайган. 11:50 га келиб эса, курс яна тушиб, 84,34 рублга етган, бу эса 1,32 фоизлик пасайиш деганидир.
Евро ҳам арзонлашиб, 11:45 да унинг курси 91,96 рублга тушган (-1,13 фоиз).
Бунга қарамай, мутахассислар курснинг келгуси кунларда қандай бўлиши борасида турлича фикр билдирмоқда. "Русский Стандарт" банки молиявий операциялар департаменти директори Максим Тимошенко доллар курсининг 84-86 рубль, евронинг эса 91-94 рубль оралиғида бўлишини таҳмин қилмоқда.
Шунингдек, 21 март куни Россия Марказий банки асосий ставка бўйича қарор қабул қилиши кутилмоқда. Мутахассисларнинг фикрича, ҳозирги 21 фоиз ставка ўзгаришсиз қолиши мумкин, ва бу курс ўзгаришларига олдиндан киритилган ҳисобланади.
