Хитойдан Ўзбекистонга илк юк поезди йўлга чиқди
Ушбу темир йўл йўналиши иқтисодий алоқаларни мустаҳкамлайди.
Хитойнинг Чунсин шаҳридан Ўзбекистонга илк бор маҳаллий ишлаб чиқарилган полиефир гранулалари юкланган поезд йўлга чиқди. Бу тарихий ҳодиса икки давлат ўртасидаги логистика ҳамкорлигида янги босқични бошлаб берди.
Янги йўналиш Хитойнинг жануби-ғарбий қисмидаги йирик саноат маркази бўлган Чунсиндан Марказий Осиё мамлакатларига, хусусан Ўзбекистонга, темир йўл орқали мунтазам юк ташишни йўлга қўяди. Бу эса савдо ҳажмини ошириб, юк ташишда тезлик ва қулайликни таъминлаши кутилмоқда.
Мутахассислар фикрича, ушбу темир йўл йўналиши нафақат иқтисодий алоқаларни мустаҳкамлаш, балки бутун минтақада транспорт логистикаси самарадорлигини оширишга хизмат қилади. Шу билан бирга, бу ташаббус “Бир макон – бир йўл” лойиҳаси доирасидаги ҳамкорликнинг яна бир амалий натижаси сифатида эътироф этилмоқда.
