Ҳиндистонлик миллиардер асалари чақишидан вафот этди
Асалари унинг оғзини чаққан.
Ҳиндистонлик миллиардер ва Британия шаҳзодаси Уилямнинг яқин дўсти Санжай Капур поло ўйинида оғзига асалари кириб кетиши оқибатида 53 ёшида вафот этди.
Асалари Капурнинг оғзини чаққанидан сўнг у анафилактик шок ҳолатига тушган ва юраги тўхтаб қолган. Ҳодиса ўйин вақтида содир бўлган.
Мутахассисларнинг айтишича, нафас йўлларида рўй берган ари чақиши нафас олишни қийинлаштиради, йўлларни тўсиб қўяди ва қон босимининг кескин тушишига олиб келади, бу эса юрак фаолиятининг тўхташига сабаб бўлади.
Санжай Капур нафақат йирик бизнесмен, балки спортни қўллаб-қувватловчи, кўплаб хайрия тадбирларининг ҳомийси сифатида ҳам танилган эди. Унинг кутилмаган ўлими жамиятда катта қайғу билан қарши олинди.
