Лос-Анжелесда комендантлик соати бекор қилинди
Лос-Анжелес марказида ҳаёт яна одатий режимга қайтди.
Лос-Анжелес мери Карен Басс шаҳарнинг марказий ҳудудларида илгари жорий этилган комендантлик соати бекор қилинганини эълон қилди. Бу чора 11 июнь куни норозилик намойишлари туфайли хавфсизликни таъминлаш мақсадида киритилган эди.
Мернинг айтишича, ҳозирда вазият назорат остида, шунинг учун бу чекловлар олиб ташланган. У бу ҳақда ўзининг Х (собиқ Twitter) ижтимоий тармоғидаги саҳифасида маълум қилган:
“Бугундан бошлаб мен Лос-Анжелесдаги Довнтовн комендантлик соатини бекор қиляпман”, — дея ёзди Карен Басс.
Шу билан бирга, зарурат туғилса, шаҳар расмийлари комендантлик соатини яна жорий қилишга тайёр эканликларини ҳам билдиришди.
