Фарғонадаги кўп қаватли уйда ёнғин чиқди
Қутқарувчилар 7 кишини эвакуация қилган.
Бугун, 20 июнь куни соат 11:42 да Фарғона шаҳар Нурафшон МФЙдаги кўп қаватли уйлардан бирининг 6-қаватида ёнғин содир бўлаётганлиги тўғрисида ФВБга хабар келиб тушган.
Хабарга асосан воқеа жойига зудлик билан қутқарувчилар жалб этилган. Қутқарувчиларнинг тезкор ҳаракатлари натижасида ёнғиннинг кенг майдонга тарқалиши олди олиниб, у ерда бўлган 1 нафар фуқаро ҳамда қўшни хонадонда бўлган 6 нафар фуқаролар соғ-саломат эвакуация қилинган ва уларнинг ҳаёти сақлаб қолинган.
Ҳодиса оқибатида тан жароҳати олганлар йўқ.
