Полшада музлик даврига оид ҳайвон қолдиқлари топилди
Бу қолдиқлар мамонтга тегишли бўлиши мумкин деган эҳтимол мавжуд.
Полшада тезюрар автомагистраль қурилиши давомида музлик даврига оид ҳайвон қолдиқлари аниқланди. Топилма Замос шаҳри яқинидаги Лабуне қишлоғида археологлар томонидан қайд этилган.
Маълумотларга кўра, ёши 11 700 дан 2,6 миллион йилгача бўлган тиш ва тос суяклари бўлаклари топилган. Тадқиқотчилар бу ноёб топилмани музлик даврига оид деб ҳисобламоқда.
Археолог Рафал Недзвядекнинг айтишича, қолдиқ турларини аниқ аниқлаш учун қўшимча тадқиқотлар зарур. Бироқ, топилган тишга қараб, бу қолдиқлар мамонтга тегишли бўлиши мумкин деган эҳтимол мавжуд.
Ҳозирда суяклар мутахассислар томонидан батафсил ўрганилмоқда.
