АҚШда атрофини тимсоҳлар ўраган мигрантлар маркази қурилмоқда
Лойиҳани Флорида бош прокурори фаол илгари сурмоқда.
Флорида штатида, Эверглейдс ботқоқ ҳудудида “Тимсоҳли Алкатрас” деб ном олган янги мигрантлар учун ҳибсхона қурилиши бошланди. Ушбу марказ 5 минггача ноқонуний муҳожирни сақлашга мўлжалланган бўлиб, лойиҳанинг йиллик қиймати тахминан 450 миллион долларни ташкил этади.
Марказнинг хавфсизлик чоралари учун катта маблағ сарфланмаслиги айтилмоқда, чунки ҳудудни аллақачон тимсоҳлар ва питонлар каби хавфли ҳайвонлар ўраб тургани билдирилган. Бу лойиҳани Президент Доналд Трампнинг иммиграцияга қарши сиёсати доирасида Флорида бош прокурори фаол илгари сурмоқда.
Бироқ инсон ҳуқуқлари фаоллари ва экологлар ушбу марказ одамлар ҳаёти учун хавфли бўлиши ва атроф-муҳитга зарар етказиши мумкинлигини таъкидламоқда. Улар буни “мустақил ва назоратдан четда қолган ҳибсхона тизими” сифатида баҳоламоқда.
Режаларга кўра, марказдаги айрим чодирлар аллақачон июль ойида ишга туширилиши кутилмоқда.
