Андижонда эркак жанжал сабаб хотинини ўлдирди
Ҳозирда уни қидириб топиш ишлари олиб борилмоқда.
Ижтимоий тармоқларда Андижон вилоятида ўрта ёшлардаги аёлнинг қонга беланган ҳолда жасади ётгани тасвирланган видео тарқалди. Ҳолат юзасидан Бош прокуратура матбуот котиби Ҳаёт Шамсутдинов маълумот берди.
Унга кўра, ҳодиса Андижон шаҳрида келиб чиққан. Эр-хотин жанжаллашиши оқибатида эркак аёлини қасддан ўлдирган ва воқеа жойидан қочиб кетган.
Ҳозирда ҳолат юзасидан Жиноят кодексининг 97-моддаси (Қасддан одам ўлдириш) билан жиноят иши қўзғатилган. Шунингдек, фуқарони қидириб топиш чоралари кўрилмоқда.
