Японияда кекса аёлларни ёллаш хизмати оммалашмоқда
“Client Partners” компанияси кекса аёлларни оилавий ёрдамчи сифатида ёллаш хизматини таклиф қилмоқда.
Япониянинг “Client Partners” компанияси томонидан 2011-йилда йўлга қўйилган “OK Obaachan” (“Майли, буви”) хизмати орқали 60–94 ёшли аёлларни соатига 3 300 иена (тахминан 20 доллар) эвазига ёллаш мумкин.
Хизмат доирасида кекса аёллар қуйидаги йўналишларда ёрдам кўрсатишмоқда:
таом тайёрлаш ва чақалоққа қараш
уй ишлари ва хаттотлик
руҳий кўмак, жумладан, оилавий келишмовчиликда воситачилик
ажрашган мижозларга ҳамроҳлик қилиш
ёлғизларга суҳбатдош бўлиш
Ҳозиргача дастурда 100 га яқин аёл иштирок этган.
Бу ташаббус Япониядаги демографик ва ижтимоий ўзгаришларга жавоб сифатида пайдо бўлган. Мамлакатда 65 ёшдан ошган ҳар тўртинчи киши молиявий эҳтиёж сезмоқда. Шу билан бирга, “икигай” — ҳаётга маъно ва фаолият орқали мазмун бериш тамойили туфайли, кўплаб кексалар меҳнат фаолиятини давом эттирмоқда.
“OK Obaachan” — сўнгги йилларда оммалашган “оилавий ижара” тенденциясининг бир кўриниши бўлиб, ижтимоий яккаликда яшовчилар учун суррогат қариндош ёки дўст вазифасини бажарувчиларни ёллаш имконини беради.
