Қашқадарёда чўмилишга борган 61 ёшли аёллар чўкиб кетди
Бош прокуратура Матбуот хизмати zamon.uz’га ҳодиса тафсилотларини маълум қилди.
Қашқадарёда чўмилишга борган аёллар чўкиб кетиб, ҳалок бўлди. Бу ҳақда zamon.uz’га Бош прокуратура Матбуот хизмати хабар қилди.
Маълум бўлишича, 2025 йил 7 июль куни Косон туманида яшовчи икки нафар 61 ёшли аёл Шаҳрисабз тумани “Мираки” МФЙда “Оқдарё” дарёсининг ўнг қирғоғига чўмилиш мақсадида тушиб, оқиб кетиши натижасида вафот этган.
Ҳодиса жойи тезкор-тергов гуруҳи аъзолари томонидан кўздан кечирилиб, процессуал ҳужжатлар расмийлаштирилган.
Экспертларнинг ташхисига кўра, фуқарорларнинг ўлимига нафас йўлларини суюқлик билан беркилиши натижасида механик асфекциядан вужудга келганлиги аниқланган.
Ҳозирда мазкур ҳолат юзасидан туман прокуратураси томонидан терговга қадар текшириш ҳаракатлари давом эттирилмоқда.
